Wednesday 22 April 2009

حوار تليفزيوني


مذيعة و مايك...
شارع مصري صميم..
عرفته من زبالته على الجانبين...
زي اللون الأخضر على جانبيّ النيل...
دليل تأثر الانسان المصري بجغرافية بلده...
قدامها واقف ولد..مصري برضه...
عنده يمكن عشر سنين..
أسمر..مصاب بالأنيميا الحادة طبعا...
عينيه بتلمع و فيها ننّي إسود جميل...
هدوم مقطعه...سمار تراب الشارع غطّى على سمار بشرته..
أصله من أطفال الشوارع...
المذيعة تسأل و الولد يجيب...
س: عندك كام سنة ؟
ج: معرفش...
س: رحت المدرسة قبل كده ؟؟
ج: لأ...
س: نفسك تعمل ايه لما تكبر ؟
ج: ابقى دكتور...
س: و ازاي ناوي تبقى دكتور من غير ما تروح المدرسة ؟؟
فيرد الولد بسؤال صعب قوي قوي..مش صعب في إجابته...
بس صعب حد في سنه يسأله...
هو أنا عشان ابقى دكتور يبقى لازم أروح المدرسة؟؟
قالها باستغراب كأنه مش مصدق...
ردت المذيعة : أيوة طبعا لازم ..
سكت الولد...
رفع راسه و بص بعيد...
معرفش بيبص على ايه...
على المستقبل؟؟؟
ولا شاف نفسه بعيد لابس البالطو الأبيض؟؟
ظهرت على شفته ابتسامة واضح انها تنكر بيخبي بيه جرح كبير قوي جوّاه...
لمعة عينيه بدمعة رغم الضحكة اللي على شفته...
مع دمعته..قلبي انكسر..وانفطر..و نزلت دمعة منه جوايا...
بص لها الولد و قال: يبقى ماشي...
س: ماشي ايه؟؟
ج: هاروح المدرسة

10 comments:

  1. the best so far..

    we da7`alna el madrasa, we yaretna mada7`alna :)

    ReplyDelete
  2. BRAVOOO,3agbtne aweee :D
    i think kolna 3andna nafs nazret el walad.... bas msh akolna adren na3raf 3awzen nlbs el baLto el abyad wala la2
    " everyone is afraid "

    ReplyDelete
  3. أسلوبك راقي جدا.. رقيق جدا.. عميق جدا.. متحرر جدا.. وفوق كل شيء إسود جدا..

    ReplyDelete
  4. i like it,,w mo2sra awii,,bs m7dsh 7i7s blgr7 da ela l m7tout mkan l wlad da

    ReplyDelete
  5. akeed...mawdoo3 sa3b gedan...fy kam mosta2bal da3 fel shaware3 ??

    ReplyDelete
  6. ktiiiiiiiiiiiiiiiiiiiiiirr

    ReplyDelete