Thursday 30 April 2009

رسالة خاصة جداً جداً


من خمس سنين تقريبا سيبنا بعض...

ولغاية قريب قوي ماكنتش عارف ليه...

مفيش يوم عدّى عليا غير لما فكرت ليه ؟

بس عرفت بالصدفة...عارفة ازاي ؟؟

كنت في لحظة من لحظات التفكير..أو الجنون..أو الهبل..أو الفلسفة

على حسب زاوية رؤية كل واحد للموضوع

بافكر يا ترى لو كل واحد بقى شكله من برّة زي شكله من جوّة

هل هايبقى في حد جميل ؟؟

يعني...مجرد تجسيد لجملة الجمال جمال الروح..ولكن..

بدون تجاهل إن كمان القُبح قُبح الروح...

أول حد جه في بالي طبعا انتِ..

و اتخيلتك ساعتها هاتبقي عاملة ازاي..

عيون زرقاء..حلوة قوي

أنا عارف ان هي أصلا لونها كده..بس اللون هيختلف شوية

هيوصل لدرجة النقاء..

لون سماء اسكندرية في الصيف..

شعرك الذهبي الناعم...بقى أطول..و أنعم..

بيطير حواليكي..

رجليكي مش لامسة الأرض..

روحك من كتر ما هي نقيّة..أصبحت خفيفة...

و ارتفعت..وصلت لدرجة السموّ

و دليلي هالات النور حواليكي..

كائن ملائكي جميل..يغنيني عن الجنة العمر كله..

بعدها..اتخيلت نفسي أنا...

اتفجعت..ارتعبت..

ايه ده ؟؟

حدبة كبيرة قسمت ضهري..

عين بيضاء..مرعبة..تتغلغل جوة روح أي حد و تبُث فيه الرعب..

العين التانية مكانها فراغ بلون الدم..

جلد مشوّه..اتسلخ من فوق اللحم في مناطق..

و في مناطق تانية خشن..اتغطى بالدمامل...

و ساعتها عرفت احنا ليه سيبنا بعض..

عشان عمر ما حاجة في نقائك هاتحبني أنا..المخلوق المشوّه

7 comments:

  1. that's harsh..
    I dont think u r that bad!!

    ReplyDelete
  2. PAST IS PAST my dear friend leave it were it belongs,tears will never erase our mistakes but it learn us not to do it again..
    JUST SEE THE LIGHT IN UR LIFE :)

    ReplyDelete
  3. كويس انك لقيت بنت نقية , بس من خلال تجارب كتير حواليا متهيالي انك اكيد ظالم نفسك

    ReplyDelete
  4. enta gay 3la nfsk awii mhma kant hya kwyssa kdda enta brdo 3omrk m7tkoun w7sh kdda

    ReplyDelete
  5. mmkn akoon zalem nafsy...bas ana beyethaya2ly en law el ensan beyban 3aleih elly gowah yeb2a mafish nas kteer haykoon shaklaha 7elw..

    ReplyDelete
  6. l2 um nt wiz u cz fi nas ktirr mn gwaha a7sn mn l byn 3liha ll nas

    ReplyDelete