Thursday, 26 March 2009

الحلم



حلمت حلم عجيب...و غريب

الدنيا ضلمة قوي...كأننا في عز الشتا...

في عز النوة

ماشي في طريق ضيق

ضباب طالع من عينيا...

ضباب خفيف مش كتير...تقدر تشوف قدامك كويس...

بس حوّل كل حاجة غامقة

شجر مقلوع...

مخلوع...

واقع في كل حتة...

أشجار ميتة...

فروعها عريانة من غير ورق

شجر على شكل ناس..بيصرخوا...

بيطلبوا الرحمة...

كأنهم بيتعذبوا في جهنم...

بقايا بشر...

ردم إنسانية واقع في كل جانب من جوانب الطريق

الأنهار اتحولت دم...

الهوا اتمسخ لروائح كريهة...

و في أخر الطريق...

حاجة غريبة...

وردة واقفة في وسط كل ده...

وردة بيضة...وردة حلوة... منورة

جسمها الأخضر الجميل مفرود...

واقفة في وش الضباب...في وش الكئابة...

و صحيت حاسس بالأمل...

5 comments:

  1. Sabaaaa7 el 7`eer :D
    nice one

    ReplyDelete
  2. sabaa7 el fool
    da ana eli 7aseet b el amal :)

    ReplyDelete
  3. دعوه
    الأخت العزيزه
    تحيه طيبه
    برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

    وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    المدونه
    http://netonradio.blogspot.com
    الموقع
    http://dear.to/cairo

    ReplyDelete