Tuesday 31 March 2009

البعبع


كل ما يمشي في الشارع...

بيشوف الرعب في عيون الناس..

بنت جاية في وشه تقف فجأة و تروح على الرصيف التاني...

كأنها شافت عفريت...

راجل عجوز يحط وشه في الأرض و يستعيذ...

بنوتة صغيرة عاملة ضفيرة بتشاور عليه...و تسأل...

هو ده البعبع يا ماما؟؟؟ و ماما بتشدها بعيد..ششششششش...قعدي ساكتة يا بنت...

بس هو مش فارق معاه...

لا يتألم و لا يتضايق...

كل بس اللي مجننه هو ازاي بقى كده؟؟؟

هو مش معترض إنه يكون كده...هو بس معترض إنه مش عارف إزاي...

كان طول عمره شكله عادي...مش حلو و مش وحش...

بس في يوم...

كل حاجة جواه طلعت على الوش...

فساده و ضياعه...

حقده...غضبه...كرهه...

نفاقه...

خيانته لوطنه لأنه ساكت و ماعملش حاجة...

أيوة طبعا..ماهو الساكت عن الحق شيطان أخرس...

كل حاجة سودة ؛ لاملموسة كانت جواه..طلعت لبرّة...

اتحولت فجأة لمادة قبيحة...ملموسة...

كائن قبيح...يرى و يسمع ولا يتكلم...

لا علاقة له بالبشر..ولا حتى يقارن بالأباليس...

بس للأسف...

هو برضه مش معترض إنه يبقى كده..

6 comments:

  1. nice one :D
    " fe kteer mnhm el yomin dol"

    ReplyDelete
  2. yea ll2sf but nice one

    ReplyDelete
  3. كلام مؤثر
    حقيقى خلانى أدمع يمكن لأنه حقيقى أوى وواقعى أوى
    ومن القلب أوى فلما بيتكتب بيتحس زى ما هو كده

    تحياتى
    Rosittanita

    ReplyDelete